ခရစ္စတယ်ပဲလေ့စ်ကို အနိုင်ယူကာ ကာရာဘောင်ဖလား ဆီမီးဖိုင်နယ်ကို တက်ရောက်နိုင်ခဲ့ပြီးနောက် အာဆင်နယ်နည်းပြ မီကယ် အာတီတာက ဂါဘရီယယ်ဂျီးဆပ်စ်ရဲ့ စွမ်းဆောင်ရည်ကို ကျေနပ်နေခဲ့ပါတယ်။

ချဲလ်ဆီးနည်းပြအန်ဇိုမာရက်စ်ကာက နယူးကာဆယ်နဲ့ တစ်ဖက်နှစ်ဂိုးစီသရေကျခဲ့တဲ့ပွဲစဉ်မှာ သူ့အသင်းပြသခဲ့တဲ့ စိတ်ဓါတ်ပိုင်းကို ကျေနပ်နေခဲ့ပါတယ်။အခုပွဲစဉ်မှာ နယူးကာဆယ်က ဝေါ်လ်တီမိတ်ရဲ့သွင်းဂိုးတွေနဲ့အတူ နှစ်ဂိုးပြတ်ဦးဆောင်ခဲ့ပြီးနောက် ချဲလ်ဆီးအတွက် ရီစီဂျိမ်းစ်နဲ့ ဂျော်အိုပက်ဒရိုတို့က ချေပဂိုးတွေ သွင်းယူပေးခဲ့ပါတယ်။

မန်ချက်စတာယူနိုက်တက်အသင်းခေါင်းဆောင်ဘရူနိုဖာနန်ဒက်စ်က သူဟာ အသင်းရဲ့တောင်းဆိုမှုတွေကြောင့် အခြားအသင်းတွေရဲ့ ကမ်းလှမ်းချက်တွေကိုငြင်းပယ်ပြီး အိုးလ်ထရက်ဖို့ဒ်မှာပဲဆက်နေဖို့ ဆုံးဖြတ်ခဲ့ကြောင်း ဖွင့်ဟပြောကြားလာခဲ့ပါတယ်။

ပေါ်တူဂီလက်ရွေးစင်ကွင်းလယ်လူ ဘရူနိုဖာနန်ဒက်စ်က အသင်းဟာ ‌ခရစ္စတီယာနိုရော်နယ်ဒိုမပါရင် ပိုကောင်းတယ်ဆိုတဲ့ အဆိုနဲ့ပတ်သက်ပြီး တုံ့ပြန်ပြောဆိုမှုတွေပြုလုပ်လာခဲ့ပါတယ်။ ဖာနန်ဒက်စ်က ရော်နယ်ဒိုပါဝင်ကစားနေချိန် ပေါ်တူဂီအနေနဲ့ ကစားပုံညံ့ဖျင်းနေခြင်းမှာ အသင်းရဲ့အားနည်းချက်ကြောင့်သာဖြစ်ပြီး ပေါ်တူဂီကစားသမားတွေအနေနဲ့ ရော်နယ်ဒိုရဲ့အရည်အသွေးတွေနဲ့ လိုက်လျောညီထွေကစားနိုင်ဖို့လိုအပ်ကြောင်း ပြောကြားခဲ့တာဖြစ်ပါတယ်။

ယမန်နေ့ကထုတ်ပြန်ခဲ့တဲ့ ၂၀၂၅ -ခုနှစ်အတွက် ဖီဖာရဲ့တစ်နှစ်တာအကောင်းဆုံးကစားသမား ၁၁ ယောက်စာရင်းမှာ ဘာစီလိုနာတောင်ပံကစားသမား ရာဖင်ဟာ မပါဝင်ခဲ့တဲ့အတွက် ကစားသမားရဲ့ဇနီးဖြစ်သူ တိုင်ယာဘယ်လိုလီက ဆိုရှယ်မီဒီယာမှတစ်ဆင့် တုံ့ပြန်မှုတွေပြုလုပ်လာခဲ့ပါတယ်။ 

အာဆင်နယ်နည်းပြ မီခေးလ်အာတီတာက မနေ့ညက အက်စ်တွန်ဗီလာကို ရှုံးခဲ့တဲ့ပွဲဟာ လက်ခံဖို့ ခက်ခဲတယ်လို့ ဝန်ခံပြောဆိုခဲ့ပါတယ်။ပထမပိုင်းမှာ မတ်တီကတ်ရှ်ရဲ့ ဂိုးကြောင့် ရှုံးနိမ့်နေတဲ့ အာဆင်နယ်ဟာ ဒုတိယပိုင်းမှာ ထရိုဆက်ကြောင့် ချေပဂိုး ပြန်ရခဲ့ပါတယ်။ ဒါပေမဲ့ ပွဲပြီးခါနီး ၉၅ မိနစ်မှာ ဘွန်ဒီယာက ဗီလာအတွက် အနိုင်ဂိုး သွင်းယူသွားခဲ့တာ ဖြစ်ပါတယ်။

ချဲလ်ဆီးနည်းပြအန်ဇိုမာရက်စ်ကာက အသင်းအနေနဲ့ လက်ရှိခြေစွမ်းကိုဆက်လက်ထိန်းသိမ်းထားနိုင်မယ်ဆိုပါက လာမဲ့တစ်လအတွင်းမှာပဲ ပရီးမီးယားလိဂ်အမှတ်ပေးဖလားကိုစိန်ခေါ်နိုင်မှာဖြစ်ကြောင်း ပြောကြားလာခဲ့ပါတယ်။

အာဆင်နယ်အသင်း ပေးဂိုးမဲ့နိုင်ပွဲတွေရရှိအောင် စွမ်းဆောင်ပေးထားတဲ့ ရာယာရဲ့စွမ်းဆောင်ရည် တစ်မျိုးကို အာတီတာဖွင့်ဟလာ အာဆင်နယ်နည်းပြ မီကယ်အာတီတာက ဂိုးသမား ဒေးဗစ်ရာယာရဲ့ ဘောလုံးကြိုတင်ခန့်မှန်းနိုင်စွမ်း ကို ချီးကျူးလိုက်ပြီး ဒီစွမ်းရည်က အာဆင်နယ်အသင်းရဲ့ သွင်းဂိုးမပေးရတဲ့ စံချိန်ကောင်းကို ထိန်းသိမ်းရာမှာ အထောက်အကူ ဖြစ်စေတယ်လို့ ပြောခဲ့ပါတယ်။

ဒေါ့မွန်ကွင်းလယ်လူ ပါစကယ်ဂရော့စ်က ဒီရာသီချန်ပီယံလိဂ်မှာ ဂိုးတွေတောက်လျှောက်သွင်းနေတဲ့ မန်ချက်စတာစီးတီး ကြယ်ပွင့်တိုက်စစ်မှူး အာလင်းဟာလန်းကို အသင်းဟောင်းဖြစ်တဲ့ ဒေါ့မွန်ကပဲ ပြန်လည်ရပ်တန့်ပေးသွားရမယ်လို့ အခိုင်အမာပြောကြားလာခဲ့ပါတယ်။

ပက်ဂွါဒီယိုလာက အခုညပိုင်း ဘုန်းမောက်နဲ့ရင်ဆိုင်ကစားရမဲ့ပွဲစဉ်ကို ဟာလန်းပါဝင်ကစားဖို့အတွက် အဆင်သင့်ဖြစ်နေပြီး ရိုဒရီကိုလည်း ပွဲနေ့လူစာရင်းမှာ ပါဝင်လာဖို့ မျှော်လင့်ထားတယ်လို့ ပြောပါတယ်။ မန်စီးတီးက အီရာယိုလာရဲ့အမြင့်ပျံနေတဲ့ချယ်ရီတွေကို အီတီဟတ်ကွင်းမှာ ဧည့်ခံကစားရပါလိမ့်မယ်။