ခြေစွမ်း ကျနေရင်တောင် အရန်ခုံ ပို့လို့ မရတဲ့ ချဲလ်ဆီး စတား နှစ်ဦး
ချဲလ်ဆီးအသင်းဟာ ကြားရက်က ပရီးမီးယားလိဂ်ပွဲမှာ လီဗာပူး အသင်းကို ၄ – ၁ ရလဒ်နဲ့ အရှက်တကွဲ အရေးနိမ့်ခဲ့ပြီးနောက် ယနေ့ညမှာ ဝုလ်ဗ် အသင်းကို အိမ်ကွင်း စတမ်းဖို့ဒ်ဘရစ်ခ်ျမှာ လက်ခံ ကစားသွားဖို့ရှိပါတယ်။ ဒီပွဲမှာတော့ ချဲလ်ဆီးဟာ ရှေ့ပွဲက လူပိုစုံလာဖို့ ရှိပေမဲ့ ပုံမှန် သုံးနေကျ ပွဲထွက် ကစားသမား အများစုကိုပဲ ဆက်လက် အသုံးပြုလာဖို့များပါတယ်။ အထူးသဖြင့် ကွင်းလယ်က အန်ဇို – ကိုင်စီဒို အတွဲကိုတော့ ချဲလ်ဆီး နည်းပြ မော်ရစ်စီယို ပိုချက်တီနို တစ်ယောက် ဘယ်လိုမှ ချန်လှပ်ဖို့ မဖြစ်နိုင်ပါဘူး။
ယင်းတောင်အမေရိက ကွင်းလယ်အတွဲဟာ လီဗာပူးနဲ့ ပွဲမှာ အတွဲညီညီ ခြေစွမ်းပြသဖို့ အထူး ရုန်းကန်ခဲ့ရပြီး ၊ ယနေ့ညပွဲမှာ အနိုင်ပြန်ရဖို့ အတွက်ဆို ၄င်းတို့ထံမှ ပံ့ပိုးမှုကောင်းတွေ ၊ တည်ငြိမ်တဲ့ ခြေစွမ်းတွေ လိုအပ်မှာသေချာပါတယ်။
အာဆင်နယ် ကွင်းလယ်လူဟောင်း ပေါလ်မာဆင်ကတော့ ပေါင်သန်း ၂၀၀ -တန် ယင်းကွင်းလယ်အတွဲဟာ တန်ကြေးကြောင့် ပွဲထွက်စာရင်းက ဖယ်ရှားဖို့ မဖြစ်နိုင်ကြောင်းဆိုရင်း ၊ နွေရာသီကမှ ဘရိုက်တန်ကနေ ပြောင်းလာတဲ့ ကိုင်စီဒိုဟာ ပရီးမီးယားလိဂ် စံချိန်တင် ပြောင်းရွှေ့ကြေးနဲ့ ဘယ်လိုမှ မထိုက်တန်ကြောင်း ဝေဖန်သွားပါတယ်။
Sportskeeda နဲ့ တွေ့ဆုံရာမှာ မာဆင် က “ချဲလ်ဆီးဟာ လီဗာပူးနဲ့ ပွဲမှာ ခြေစွမ်းက အတော် ဆိုးရွားခဲ့ပြီး ၊ ၄ – ၁ ရလဒ်နဲ့ ထိုက်ထိုက်တန်တန် အရေးနိမ့်ခဲ့ပါတယ်။ သူတို့ဟာ တစ်ပွဲလုံး တောင်ရောက်မြောက်ရောက် ဖြစ်ခဲ့ပြီး ၊ အန်းဖီးလ်မှာ တိုက်စစ်မှူး တစ်ယောက်မှ မပါပဲ ကစားခဲ့ပါတယ်”
“ကွင်းလယ်မှာဆို အန်ဇို ဖာနန်ဒက်ဇ်နဲ့ မွိုက်ဆက်စ် ကိုင်စီဒို အတွက် ၂-ယောက်ပေါင်းကို ယူရို ၂၂၅-သန်း ကုန်ကျခဲ့ရပါတယ်။ ဒီတော့ သူတို့ ခြေစွမ်းကျနေရင်တောင် ဘယ်သူက ဒီထဲက တစ်ယောက်ကို ချန်ပစ်ဖို့ ဘယ်လို ဖြစ်နိုင်မှာလဲ ? ”
“ကိုင်စီဒိုဟာ လွန်ခဲ့တဲ့ နှစ်အနည်းငယ်ကမှ ဘရိုက်တန်က ယူရို ၄-သန်းနဲ့ ခေါ်ယူခဲ့တဲ့ ကစားသမား ဖြစ်ပါတယ်။ အခုတော့ သူဟာ ရုတ်တရက်ဆိုသလိုပဲ ပရီးမီးယားလိဂ်ရဲ့ ကြေးအကြီးဆုံး ကစားသမား ဖြစ်လာတယ်ပေါ့ဗျာ။ ခင်ဗျားဟာ ၂-နှစ် ၊ ၃-နှစ် အတွင်း ဒီလောက် တန်ကြေး ပေးရလောက်တဲ့အထိ မတိုးတက်နိုင်ပါဘူး။ ဒါက မဖြစ်နိုင်တာပါ”
“ခင်ဗျားဟာ ကိုင်စီဒိုကို ကြည့်ပြီး ဒက်ကလန်ရိုက်စ်နဲ့ နှိုင်းယှဉ်ကြည့်မယ်ဆိုရင် ဒါက မြေဖြူခဲနဲ့ ချိစ်တုံးလိုပါပဲ။ ဒီလောက် တန်ကြေး အတွက် ခင်ဗျားဟာ သူ တစ်ယောက်တည်းနဲ့ ပွဲရလဒ်ကို ဆုပ်ကိုင်ပြရမှာ ဖြစ်သလို ၊ သူ့ရဲ့ ကွင်းတွင်း ခြေစွမ်းကို သိသိသာသာ ခံစားမိရမှာ ဖြစ်ပါတယ်”
” ချဲလ်ဆီးမှာ သူ အဲလိုမျိုး အကြိမ်ရေအများကြီး လုပ်ပြထားတယ်လို့ ကျွန်တော် မမှတ်မိပါဘူး။ ခြင်္သေ့ပြာ ကွင်းလယ်ဟာ လီဗာပူးနဲ့ အတွေ့မှာ လုံးဝ ဆွဲဖြဲခံခဲ့ရတာပါ။ ဒါက ရှက်ဖို့ကောင်းပါတယ် ။ ဒီလောက်တော့ အနည်းဆုံး ပြောရပါမယ်”
” ဒီလို ပြောပေမဲ့ ချဲလ်ဆီးဟာ ပြီးခဲ့တဲ့ တစ်လ အတွင်း အိမ်ကွင်း ရလဒ်ပိုင်း တိုးတက်လာပါတယ်။ ဒီတော့ ဝုလ်ဗ်နဲ့ ပွဲကိုတော့ သူတို့ ၂ – ၁ နဲ့ နိုင်ပါလိမ့်မယ်” လို့ ပြောကြားခဲ့ပါတယ်။
Source : Metro.co.uk
၂၄-နာရီဝန်ဆောင်မှုအပြည့်နဲ့ ကိုယ်တိုင် ငွေသွင်း/ ငွေထုတ်လုပ်ရပြီး အလျော်ကြမ်းနေတဲ့ ဂိမ်းဆိုဒ်မှာ အကောင့် အခမဲ့ ပြုလုပ်ရန် စိတ်ဝင်စားပါက – Link
နေ့စဉ် Update တင်ပေးနေတဲ့ မြန်မာစာတန်းထိုးဇာတ်ကားများကို Telegram မှာ ကြည့်ရှုနိုင်ပြီ – Telegram Movie Channel
မြန်မာစာတန်းထိုးဇာတ်ကားများကို Website မှာလည်း တိုက်ရိုက်ကြည့်ရှုနိုင်ပြီ – မြန်မာစာတန်းထိုးဇာတ်ကားများ
#jdbkx.com #အားကစားသတင်း #မော်ရစ်စီယိုပိုချက်တီနို #အန်ဇို #ကိုင်စီဒို #ချဲလ်ဆီး #Online #Games #Myanmar #OnlineGamesMyanmar
