ရမ်ဘို (Rambo) ရဲ့ ဇာတ်လမ်းအစ (Prequel) ကို ပြန်ရိုက်မဲ့သတင်းက တကယ့်ကို စိတ်လှုပ်ရှားစရာပါပဲ။ ဒါပေမဲ့ တစ်ဖက်မှာလည်း ဒီကားကို အောင်မြင်အောင် ပုံဖော်ဖို့က ဇာတ်လမ်းတွဲတစ်ခုလုံးမှာ အခက်ခဲဆုံးလို့ဆိုနိုင်တဲ့ စိန်ခေါ်မှုကြီးတစ်ခု ဖြစ်နေပါတယ်။ အခုဆိုရင် ဂျွန် ရမ်ဘို (John Rambo) လို့ အမည်ပေးထားတဲ့ ဒီဇာတ်ကားက ရိုက်ကူးရေးတွေတောင် စတင်နေပြီလို့ သိရပါတယ်။ ဒါကြောင့် ရမ်ဘိုရဲ့ နောက်ကြောင်းရာဇဝင်တွေကို ပိတ်ကားထက်မှာ မကြာခင် မြင်တွေ့ရတော့မှာပါ။