ဟိုဆေး မော်ရင်ညို ရီးရဲလ်မက်ဒရစ်ကို တစ်ကျော့ပြန် ပြန်လာနိုင်ဖွယ်ရှိနေ

နည်းပြ ဟိုဆေး မော်ရင်ညို ဟာ ရီးရဲလ်မက်ဒရစ်အသင်းဆီ တစ်ကျော့ပြန် ပြန်လာနိုင်တယ်ဆိုတဲ့ သတင်းတွေ အကြီးအကျယ် ထွက်ပေါ်နေပါတယ်။ ပေါ်တူဂီ သတင်းဌာန Record ရဲ့ ဖော်ပြချက်အရ မက်ဒရစ်ဥက္ကဋ္ဌ ဖလောရန်တီနို ပီရက်ဇ်ဟာ မော်ရင်ညိုကို နည်းပြသစ်အဖြစ် ခန့်အပ်ဖို့ စဉ်းစားနေတာပါ။ “The Special One” လို့ လူသိများတဲ့ မော်ရင်ညိုဟာ လက်ရှိမှာ ဘင်ဖီကာအသင်းကို ကိုင်တွယ်နေပြီး ၂၀၂၇ အထိ စာချုပ်ရှိပေမဲ့ မက်ဒရစ်ကို ပြောင်းခွင့်ရှိတဲ့ စာချုပ်ပါ အချက်အလက်တစ်ခု ရှိနေပါတယ်။

မော်ရင်ညိုဟာ ၂၀၁၀ ကနေ ၂၀၁၃ အထိ စပိန်ကလပ်ကို ကိုင်တွယ်ခဲ့ပြီး လာလီဂါ ၊ ကိုပါဒီရေးနဲ့ စပိန်စူပါဖလားတို့ကို ရယူပေးခဲ့ဖူးပါတယ်။ အောင်မြင်မှုတွေ ရှိခဲ့ပေမဲ့ အဲ့ဒီတုန်းက စီနီယာကစားသမားတချို့နဲ့ ပြဿနာဖြစ်ခဲ့တဲ့ သမိုင်းကြောင်းလည်း ရှိပါတယ်။ ရီးရဲလ်မက်ဒရစ်ကတော့ လက်ရှိနည်းပြ အာဘီလိုအာ ကို ရာသီကုန်မှာ ထုတ်ပယ်ဖို့ ပြင်ဆင်နေတာပါ။ အာဘီလိုအာဟာ ဇန်နဝါရီမှာ ဇာဘီ အလွန်ဆိုရဲ့ နေရာကို အစားဝင်ခဲ့ပေမဲ့ ချန်ပီယံလိဂ် ကွာတားဖိုင်နယ်မှာ ဘိုင်ယန်မြူးနစ်ကို ရှုံးနိမ့်ခဲ့သလို လာလီဂါမှာလည်း ဘာစီလိုနာရဲ့ နောက် ၉ မှတ်အကွာမှာ ရှိနေပါတယ်။

ဒါပေမဲ့ မော်ရင်ညို ပြန်လာဖို့အတွက် အတားအဆီးတချို့တော့ ရှိနေပါတယ်။ ဘင်ဖီကာကစားသမား ပရက်စတီယားနီနဲ့ ဗီနီစီးယက်စ်တို့ကြားက လူမျိုးရေးခွဲခြားမှု ပြဿနာမှာ မော်ရင်ညိုက သူ့ကစားသမားဘက်က ရပ်တည်ခဲ့သလို ဗီနီစီးယက်စ်ရဲ့ အောင်ပွဲခံပုံတွေကိုလည်း ဝေဖန်ခဲ့တာကြောင့် ဒါက သူ့ရဲ့ တစ်ကျော့ပြန်ခရီးအတွက် စိတ်ဝင်စားစရာ ဖြစ်လာမှာပါ။

Source : https://sports.yahoo.com/