နည်းပြ ဟိုဆေး မော်ရင်ညို ဟာ ရီးရဲလ်မက်ဒရစ်အသင်းဆီ တစ်ကျော့ပြန် ပြန်လာနိုင်တယ်ဆိုတဲ့ သတင်းတွေ အကြီးအကျယ် ထွက်ပေါ်နေပါတယ်။ ပေါ်တူဂီ သတင်းဌာန Record ရဲ့ ဖော်ပြချက်အရ မက်ဒရစ်ဥက္ကဋ္ဌ ဖလောရန်တီနို ပီရက်ဇ်ဟာ မော်ရင်ညိုကို နည်းပြသစ်အဖြစ် ခန့်အပ်ဖို့ စဉ်းစားနေတာပါ။ “The Special One” လို့ လူသိများတဲ့ မော်ရင်ညိုဟာ လက်ရှိမှာ ဘင်ဖီကာအသင်းကို ကိုင်တွယ်နေပြီး ၂၀၂၇ အထိ စာချုပ်ရှိပေမဲ့ မက်ဒရစ်ကို ပြောင်းခွင့်ရှိတဲ့ စာချုပ်ပါ အချက်အလက်တစ်ခု ရှိနေပါတယ်။