The God Father

14/08/2023 kaixin6688 Leave a comment

THE GOD FATHER က PART 1,2,3 ဆိုပြီးထွက်ရှိထားပါတယ်။
RATING အနေနဲ့က
THE GOD FATHER PART1(1972) က IMDb 9.2/10,Rotten Tomatoes 98%,Metacritic 100% ရထားပါတယ်။
THE GOD FATHER PART2(1974) မှာတော့ IMDb 9/10,Rotten Tomatoes 98% ,Metacritc 90% ရရှိထားပြီး
THE GOD FATHER PART3(1990) ကတော့ IMDb 7.6/10,Rotten Tomatoes 69% ,Metacritic 60% ရထားပါတယ်
Box office အနေနဲ့ Part1 က ဒေါ်လာ 246_287 million, Part2 က ဒေါ်လာ 48-88 million နဲ့ Part 3 က ဒေါ်လာ 136.8 million ရရှိထားပါတယ်။

ဇာတ်လမ်းအကျဥ်းကိုပြောရမယ်ဆိုရင် မာဖီးယားခေါင်းဆောင် တစ်ဦးဖြစ်တဲ့ Don Vito Corleone ကနေစတာပေါ့ (Don ဆိုတာလေးစားသမှုနဲ့ခေါ်တာပါ)။ သူက Corleone မာဖီးယား မိသားစုရဲ့ခေါင်းဆောင်ပါ။ သူသေနတ် အပစ်ရခံရပြီးနောက်ပိုင်းမှာ ကိစ္စတွေ ကတော်တော်ရှုပ်ထွေးလာပါတယ်။ အဲ့ဒါနဲ့ သား အငယ်ဖြစ်တဲ့ Michael Corleone ကို God father အဖြစ်လွှဲပြောင်းပေးခဲ့ပါတယ်။

Part 2 မှာ Michael ရဲ့ အကြောင်းကို ရိုက်ပြထားပြီး Part3 မှာ Michael ရဲ့ Downfall ကိုဖော်ပြထားပါတယ်။
Crime/Drama ဖြစ်တဲ့ အတွက်အေးအေးဆေးဆေး Chill လုပ်ပြီး ကြည့်လို့ကောင်းတဲ့အပြင် ဇာတ်လမ်းထဲက Dialogue တွေကလည်း မှတ်သားစရာတွေ ပါလို့ ရင်ထဲမှာတစ်ခုခု ကျန်သွားမယ့် ရုပ်ရှင်တစ်ခုပဲဖြစ်ပါတယ်။

ကမ္ဘာ့အရပ်ရပ်က နိုင်ငံရေးသမားတွေ၊ စီးပွားရေး အကျော်အမော်တွေ၊ ပညာရှင် တချို့ဆိုရင် ကိုယ်ပိုင်ခွေအဖြစ် ဝယ်ယူ သိမ်းဆည်းပြီး နှစ်ပတ် တစ်ကြိမ်၊ တစ်လ တစ်ကြိမ်လောက် ထပ်ခါတလဲလဲ ကြည့်ရှုတယ်လို့ မှတ်တမ်းများက ဆိုပါတယ်။ ဒါဆိုရင် ဒီလောက် ရက်စက်မှုတွေပါဝင်တဲ့ ဒီရုပ်ရှင် ဇာတ်လမ်းအတွဲဟာ စာသင်ခန်းထဲကို ဘာကြောင့်များ ရောက်လာသလဲလို့ မေးခွန်းထုတ်စရာ ရှိပါတယ်။အခြေခံပညာ အထက်တန်းကျောင်းတွေမှာ နိုင်ငံရေး သိပ္ပံဘာသာရပ်ကို သင်ကြားပေးတဲ့ ကျောင်းဆရာများရဲ့ အဖြေက

“…ဟုတ်ပါတယ်၊ ဒီဇာတ်လမ်းအတွင်း ရက်စက်မှုတွေ၊ ကြေကွဲ
မှုတွေ အပြည့်နီးပါး ပါဝင်ပါတယ်၊ ညီအကို အရင်းအခြာ အချင်းချင်း၊
မိတ်ဆွေ အချင်းချင်း၊ ဘာသာရေးခေါင်းဆောင်တွေကို လက်နက်
အသုံးပြုပြီး မိမိအကျိုးစီးပွားအတွက် ဥပဒေဘောင်အပြင်ကနေ
အကွက်ချ ရက်ရက်စက်စက် သတ်ဖြတ်တာတွေ ဒီရုပ်ရှင်မှာ
ရှိပါတယ် …. သို့ပေမယ့် ….
မိသားစုတစ်စုကို ဦးဆောင်သူ၊ မျိုးဆက်တစ်ခုရဲ့ အနာဂတ်ကို
ဦးဆောင်ပြီး ဆုံးဖြတ်ရဲတဲ့ အတွေးအခေါ်တွေ၊ ရဲရင့်ပြီး ပြတ်သား
တဲ့ စရိုက်လက္ခဏာတွေလည်း ဒီဇာတ်လမ်းမှာ ပါဝင်ပါတယ်၊
အန္တရာယ် ဖြစ်လာစေမယ့် ပြိုင်ဖက်တွေ၊ သစ္စာဖောက်တွေ၊ ပြီးတော့
အလုပ်မှာ တာဝန်မကျေတဲ့ သွေးသားအရင်းအခြာတွေ အဖွဲ့အစည်း
တွေကို ဘယ်လို ယှဉ်ပြိုင် အနိုင်ယူရမလဲဆိုတဲ့ အတွေးအခေါ်
လည်း ပါဝင်ပါတယ်၊ ဘာသာတရား ကိုးကွယ်ယုံကြည်မှုတွေနဲ့
တိုင်တာပြီး ဆုံးဖြတ်မယ် ဆိုရင်တော့ ဒီရုပ်ရှင်ဟာ ဆိုးဝါးမှာ
ပါ၊ ဘယ်လိုပဲဖြစ်ဖြစ် နိုင်ငံရေးသိပ္ပံ သင်ခန်းစာအတွက်တော့
ဒီရုပ်ရှင်ဟာ တော်တော်ကိုး အသုံးဝင်ပါတယ် …”
လို့ ဆိုကြပါတယ်။

ယနေ့ အနောက်ကမ္ဘာရဲ့ ဘာသာတရား ကိုးကွယ်ယုံကြည်သူ အရေအတွက် လျင်မြန်စွာ ကျဆင်းလာမှုတွေ အကြားစီးပွားရေး ရပ်တန့်နေမှုတွေ၊ စီးပွားရေး ရိုက်ခတ်မှုတွေကိုနောင်အနာဂတ်မှာ ရင်ဆိုင် ဖြေရှင်းရမယ့် ကျောင်းသားလူငယ်တွေရဲ့ စာသင်ခန်းထဲမှာတော့ The Godfather ရုပ်ရှင်ဟာမားမားမတ်မတ် အောင်ပွဲခံလျှက် ရှိပါတယ်။

ဇာတ်ကားအပြည့်အစုံ (အပိုင်း -၁) ကို The Movies For You မှာ တိုက်ရိုက်ကြည့်ရှုနိုင်ပါပြီ