“တွင်းအောင်းတစ္ဆေ” (စ/ဆုံး) ————————————– ဒီကောင်ကို ကျုပ်တို့သူငယ်ချင်းအားလုံးက ပုရစ်လို့ခေါ်တာဗျ။ခေါင်းက ကြီးကြီး၊ နဖူး က ပြောင်ပြောင်၊ မျက်လုံးက ပြူးပြူး၊မျက် နှာပေါက်ကလည်း စုတ်ချွန်းချွန်းနဲ့ဗျ။ ဒါကြောင့်လည်း ပုရစ်လို့ခေါ်တာပေါ့ဗျာ။ စကားပြောတော့လည်း ခင်ဗျား နားထောင်ကြည့်၊ ပုရစ်သံ၊ စူးစူးရှရှ အသံမျိုးဗျ။ ဒီကောင့်နာမည်က သိန်းအေးတဲ့။ဒါပေမဲ့ တစ်ရွာလုံးက သိန်းအေးလို့ ဘယ်သူမှ မခေါ်ဘူး၊ ပုရစ်ပဲ ခေါ်ကြတာ။ သိန်းအေးကို ပုရစ်လို့ ခေါ်ရတဲ့နောက်အကြောင်းတစ်ခုရှိသေးတယ်ဗျ။