အားကစားသတင်း | ရုပ်ရှင်အညွှန်း | စာအုပ်စင် | ဝတ္ထုတို
ယမန်နေ့ညက ယှဉ်ပြိုင်ခဲ့တဲ့ ပရီးမီးယားလိဂ်ပွဲစဉ်မှာ ဝုဗ်ကို ပွဲကစားချိန် ၉၀+၅ မိနစ်အရောက်မှသွင်းယူခဲ့တဲ့ ဂျွန်စတုန်းစ်ရဲ့ခေါင်းတိုက်ဂိုးနဲ့ အနိုင်ရရှိခဲ့ပြီးနောက် မန်ချက်စတာစီးတီးနည်းပြ ပက်ဂွါဒီယိုလာက သူ့ရဲ့အသင်းဟာ လီဗာပူးလိုပဲ နောက်ကျသွင်းဂိုးနဲ့ အနိုင်ယူတတ်နေပြီလို့ ပြောကြားလာခဲ့ပါတယ်။
မန်ချက်စတာစီးတီးအသင်းရဲ့ ဂန္တဝင်တိုက်စစ်မှူး အဂွေရို ကတော့ မန်ချက်စတာယူနိုက်တက်အသင်းဟာ ဒီရာသီ ပရီးမီးယားလိဂ်ချန်ပီယံဆုကို စိန်ခေါ် နိုင်တဲ့ အသင်းအဖြစ် ရှိနေဆဲဖြစ်ကြောင်း အံ့အားသင့်ဖွယ်ပြောကြားလိုက်ပါတယ်။
ရွိုင်ကိန်းက အခုဆိုရင် အမှတ်ပေးဇယားမှာ အာဆင်နယ် နဲ့ လီဗာပူး တို့ရဲ့ နောက်ကနေလိုက်နေရတဲ့ မန်ချက်စတာစီးတီးရဲ့ အမှတ်ပေးဖလား အခွင့်အရေးအပေါ် စတင်သံသယဖြစ်လာခဲ့ပြီလို့ ဆိုလိုက်ပါတယ်။ မန်ချက်စတာစီးတီးဟာ မနေ့က အီတီဟတ်မှာ တော့တင်ဟမ် နဲ့ ၃ -ဂိုးစီ သရေကျကာ ရမှတ် ၂ -မှတ် ဆုံးရှုံးခဲ့ပါတယ်။ တချိန်တည်းမှာပဲ လီဗာပူးဟာ ဖူဟမ်ကို နောက်ကျဂိုးတွေနဲ့အတူ ၄-၃ နဲ့ အနိုင်ရခဲ့တဲ့အပြင် အာဆင်နယ်ကလည်း စနေနေ့မှာ ဝုဖ်ကို ၂-၁ နဲ့ နိုင်ခဲ့ပါတယ်။ ဒ့ါကြောင့် ဂန်းနားတို့ဟာ ဇယားထိပ်မှာ ဆက်လက် ဦးဆောင်ထားနိုင်ခဲ့ပြီး လီဗာပူးကတော့ မန်စီးတီးကိုကျော်ကာ ဒုတိယနေရာကို တက်လာခဲ့ပါတယ်။
ချဲလ်ဆီးအသင်းဟာ လွန်ခဲ့တဲ့ ၆-နှစ်ခန့်က ပရီးမီးယားလိဂ် ဖလားကို နောက်ဆုံးအကြိမ် ဆွတ်ခူးနိုင်ခဲ့ပြီး ၊ အဲဒီနောက်ပိုင်း ချန်ပီယံဆုနဲ့ အနီးစပ်ဆုံး ဆိုလို့ အဆင့် ၃ ၂-ကြိမ်သာ ရခဲ့ပါတယ် ။ လက်ရှိ ချဲလ်ဆီးကတော့ ဒီရာသီ ပရီးမီးယားလိဂ်ဖလားကို လက်တွေ့ဆန်ဆန် စိန်ခေါ်ဖို့ မဖြစ်နိုင်သေးပါဘူး ။